Finalmente non puiden acoplarme ós navegantes de Barraña, e saín solo en Rianxo-Cunchas.

Estrenei combinación nova Gator 5,7 Botavara Severne que inda non usara e Lorch Glider 105 con aleta de 28. Moi ben. Planeo case continuo water sen problema. O único pero eran uns cabos de arnes demasiado longos (28). Moito esforzo de brazos. Cando a cousa se poñía dura tiña que cortarme para non ir máis rápido do que da o meu nivel. Unha medio catapulta con straps postos, que non sei moi ben por que aconteceu.

Cunchas.

Saín ás 16:30, para pillar os 14 nós que disque ían durar dúas horiñas.

Futura 144, aleta 48 e overdrive de 8,5. Non chegou. Saquei uns 4 mini planeos sen meter o pé de atrás, pero ía o largo e coa corriente empurrando cara a Catoira, non estaba o conto para perder barlovento.

 A vela estaba mellor montada con un punto mais de pe de mastil, os cams rotaban bastante ben, inda que é posible que fose mellor sen ese punto. Debía ter soltado a botabara un pouco máis, pero ó ter problemas coa corriente preferín non quedarme na auga ese tempo. Seguiremos trimando ;-).

De feito costoume o meu voltar á praia, menos mal que subiu o vento e puiden cinguir ben dous bordos.

Ía tentalo de novo, pero a sorte en forma de esposa paseando ó can apareceu pola praia xusto cando eu chegaba con ánimo de voltar a sair. Recollímos e marchamos, vendo como o vento baixaba inda máis, incrementando o risco de acabar en Catoira 🙂

Primeira navegada “de pelo seco”. Cero caidas. Agradécese sobre todo que a crema de sol non pique nos ollos.

Porto de Rianxo. Escollo 6.5 111 38 e saio planeando xenial. 1 bordo. Despois quedouse e incluso flotando costoume o meu voltar a porto. 🙁

Os termicos xa levan unha semaniña soplando en Cesantes.

Hoxe decidimos escaparnos para disfrutar unha escasa hora de navegación. Petrus con 92 litros, 25 aleta e 5,7, eu con 111 litros 38 aleta e 7,5. Petrus foi un pouco escaso, creo que porque a vela estaba un pouco tensa de mais de pe de mastil. Eu tamén tensara moito a 7,5, pero foime ben. Seguramente con 6,5 era suficiente, pero a 5,7 necesitaba o mastil 430 así que non me quedaba máis remedio.

Unhas boas planeadas e intentos de transluchada fallidos. Hai que seguir dándolle, é o obxectivo deste ano, ademáis, os dous bordos de “pelo seco” foronme moi confortables, así que a perspectiva de non caer motivame moito.

Pillei bastantes algas, sobre todo na segunda media hora. Como andaba a facer traballo “técnico”, non cheguei a subir ate o cruceiro, creo que por alí estaba a cousa máis despexada.

Un bo día, e cun ambiente precioso. Ate había tráfico na auga. Nótase que non estou acostumbrado, case me cruzo na traxectoria dun compañeiro.