Funcionario !

Mércores, 21 de Xullo de 2010 por Paulo

Hoxe tomei posesión ! Xa son funcionario. 🙂

Aprobado !!!

Martes, 25 de Maio de 2010 por Paulo

O xoves 20/05/2010 saiu no DOG a resolución do tibunal na que se di que aprobei as oposicións de grupo A2, Escala de Xestión de Sistemas de Información. Para entendernos: informática da Xunta, grupo A2.

Faime tanta ilusión que subín o ficheiro da resolución:

Despois de moitos anos traballando (13 se somos estrictos, 11 se non contamos un master como estudio de oposicións), coidando familia e estudiando, finalmente acadamos este obxectivo.

O plural non é maiestático, este é un éxito de toda a familia, que tivo que facer renucias, sufrir e apoiar a actividade de estudio. Á miña querida muller, ós meus fillos, e ó resto da familia: GRAZAS.

Grazas tamén ós amigos, que transmitiron apoio e confianza. Grazas ós que en moitas ocasións estudaron comigo, pola axuda prestada. Grazas ás academias nas que fun a clase. Grazas ás persoas que poñen ó seu coñecemento a disposición do mundo en internet. Todo foi necesario. Como en algúnhas competicións ciclistas duramente disputadas por etapas, conseguimos a “victoria” o último día, entrando polos pelos no corte e defendendo con uñas e dentes a ventaxe adquirida anteriormente

E por suposto, grazas a Deus polo regalo dun traballo estable nestes difíciles tempos.

E cas grazas, o meu compromiso persoal: traballar na Administración Pública buscando lealmente o ben común. 😀